2015-09-23 11:59

საქართველოს პრემიერმინისტრი ირაკლი ღარიბაშვილი ვერ დაესწრება უშიშროების საბჭოს დღევანდელ სხდომას, - ამის შესახებ "ინტერპრესნიუსი" იტყობინება, რომელიც მთავრობის ადმინისტრაციას დაუკავშირდა. იქ განმარტეს, რომ პრემიერი ინფორმირებულია უშიშროების საბჭოს დღის წესრიგში შესული საკითხების შესახებ.

"საქართველოს მთავრობის მეთაურის დატვირთული განრიგიდან გამომდინარე, პრემიერ-მინისტრის პოზიციას, განსახილველ საკითხებთან დაკავშირებით, უშიშროების საბჭოს სხდომაზე თავდაცვის მინისტრი წარმოადგენს, - ასე უპასუხეს მთავრობის ადმინისტრაციაში "ინტერპრესნიუსს" კითხვას, დაესწრება თუ არა პრემიერ-მინისტრი ირაკლი ღარიბაშვილი უშიშროების საბჭოს დღევანდელ სხდომას. 

"საქართველოს პრემიერ-მინისტრი ირაკლი ღარიბაშვილი ინფორმირებულია ყველა იმ საკითხის შესახებ, რომელიც ეროვნული უშიშროების საბჭოს დღევანდელი სხდომის დღის წესრიგშია შესული. აღნიშნული თემები პრემიერს დეტალურად აქვს განხილული თავდაცვის მინისტრ თინათინ ხიდაშელთან. შესაბამისად, პრემიერის და მინისტრის პოზიციები შეთანხმებულია.

მთავრობის მეთაურის დატვირთული განრიგიდან გამომდინარე, პრემიერ-მინისტრის პოზიციას, განსახილველ საკითხებთან დაკავშირებით, უშიშროების საბჭოს სხდომაზე თავდაცვის მინისტრი წარმოადგენს", - განმარტეს მთავრობის ადმინისტრაციაში.