2015-05-01 10:37

საქართველოს პრემიერმინისტრმა ირაკლი ღარიბაშვილმა მინისტრთა კაბინეტის სამი ახალი წევრი წარადგინა. 

გარემოს დაცვის მინისტრობის კანდიდატი რესპუბლიკელი გიგლა აგულაშვილი გახდა, რომელიც პარლამენტის აგრარულ საკითხთა კომიტეტის თავმჯდომარეა.

სპორტისა და ახალგაზრდობის საქმეთა მინისტრის პოსტზე ღარიბაშვილმა ტარიელ ხეჩიკაშვილი დაასახელა, რომელიც „იბერია ბიზნეს ჯგუფის” და იმავდროულად საფეხბურთო კლუბ “საბურთალოს” პრეზიდენტია. 

მინისტრთა ახალ შემადგენლობაში ვერ მოხვდა თავდაცვის მინისტრი. მინდია ჯანელიძის ნაცვლად ღარიბაშვილმა თინა ხიდაშელის კანდიდატურა დაასახელა. 

ჯანელიძე თავის ყოფილ თანამდებობას სახელმწიფო უსაფრთხოებისა და კრიზისების მართვის საბჭოს დაუბრუნდება.

ამ სამსახურის უკვე ყოფილი უფროსი დავით სუჯაშვილი დაზვერვის სამსახურის უფროსის თანამდებობას დაიკავებს.

"რუსთავი-2"