-
2015-03-19 14:30
მსახიობ გიორგი მახარაძის ახალი რჩეული 25 წლის მსახიობი, მარიამ ნადირაძე თავისუფალ თეატრში თანამშრომლობს, მიწვევით თამაშობს მარჯანიშვილის თეატრში და მონაწილეობს სერიალებში.
ამჟამად მარიამ ნადირაძე და გიორგი ერთად ცხოვრობენ, თუმცა ჯერჯერობით დაოჯახებას არ აპირებენ.
„4 თებერვალს გახდა 2 წელი, რაც მე და გიორგიმ ერთმანეთს "სხვანაირი" თვალით შევხედეთ.
8 წელია, მას ვიცნობ. ჯგუფელები ვიყავით და ამავე დროს, ახლო მეგობრებიც. ახლა, როცა გავიზარდეთ, შეხედულებები შეგვეცვალა, ჩვენც შევიცვალეთ და ასე ვთქვათ, ხელახლა აღმოვაჩინეთ ერთმანეთი.
გიორგის ბევრი კარგი თვისება აქვს და რაც მთავარია, ძალიან კეთილი, თბილია. მისი იმედი მაქვს ყოველთვის და ყველაფერში, ის ჩემთვის დიდი ძალაა...
სტუდენტობის დროს, სადიპლომო სპექტაკლში პარტნიოტები ვიყავით; მერე თავისუფალ თეატრში ვითამაშეთ ერთად და დღემდე ვმონაწილეობთ წარმოდგენაში - "მიყვარხარ, მიყვარხარ, მიყვარხარ"... ვცდილობთ, ბედნიერებით დავტკბეთ და დაოჯახებას არ ვჩქარობთ.
გიორგი ძალიან მანებივრებს. ძალიან კარგად გამოსდის ხორციანი კერძების მომზადება. მეც ვცდილობ, ვასიამოვნო.
გიორგისა და მარიამ როინიშვილის ოჯახის დანგრევის მიზეზი არანაირი მესამე პირი არ ყოფილა.
ჩვენი სიყვარულის ამბავი მათი დაშორებიდან კარგა ხნის შემდეგ დაიწყო... გიორგი ერთგული ადამიანია და არასდროს არავის ღალატობს; მეც, სხვის უბედურებაზე საკუთარ ბედნიერებას არასდროს ავაგებ,“ - აცხადებს მარიამ ნადირაძე.
„გზა“