2015-03-06 15:55

დღეს უმრავლესობის დეპუტატმა ელისო ჩაფიძემ ასევე უმრავლესობის წარმომადგენელი ირაკლი ტრიპოლსკი პროვოკაციაში დაადანაშაულა.

მისი თქმით, ტრიპოლსკი ტყიბულში განათლების მინისტრის მრჩევლის, ოთარ აბესიძის საშუალებით ადგილობრივ მოსახლეობას მის წინააღმდეგ ამხედრებს.

თავად დუშეთის მაჟორიტარი ტყიბულელ ჩაფიძის განცხადებებს სისულელეს უწოდებს.

„სისულელეა, რასაც ქალბატონი ელისო ბრძანებს და მსგავს სისულელეებზე, როგორც წესი, პასუხებს არ ვცემ.

ვფიქრობ, ის შეცდომაშია შეყვანილი... ტყიბულთან რა კავშირი უნდა მქონდეს, მხოლოდ ერთხელ ვარ იქ ნამყოფი.

ოთარ აბესაძე"ქართული ოცნების" ახალგაზრდული ფრთის წარმომადგენელია. როცა მე და მირიან წიკლაური პარტიიდან ტყიბულში გაგვაგზავნეს, ოთარ აბესაძე თავის სოფელში დამხვდა და რა უნდა მეთქვა, გადი აქედან-მეთქი?

ვიმეორებ, ელისო ჩაფიძე შეცდომაშია შეყვანილი და რაღაცას"პოტიკობს", სხვის საქმეში ჩემი ჩარევა კაციშვილს არ გაუგია და მსგავსი სისულელის გავრცელებით, ელისო ჩაფიძეს რა მიზანი ამოძრავებს, ვერ გამიგია.

რაღაც უნდა ელისო ჩაფიძეს და"ხიმანდრობს", ვარაუდის დონეზე ვიცი კიდეც, რა უნდა, მაგრამ ჩემ ვარაუდებზე ჯერ არ ვისაუბრებ,“ - აცხადებს ირაკლი ტრიპოლსკი.

kvirispalitra.ge