2015-03-03 16:55

,,ფორბსი" 2015 წლის მილიარდერების სიაში საქართველოს ექსპრემიერი, ბიძინა ივანიშვილი 291-ე ადგილს იკავებს. მისი ქონება 5.2 მილიარდ დოლარს შეადგენს. 

,,ფორბსის" ცნობით, ივანიშვილი საქართველოში ყველაზე მდიდარი ადამიანია, რომელმაც თავისი ბიზნესი რუსეთში განავითარა, 2003 წელს კი სამშობლოში დაბრუნდა.

,,ფორბსი" წერს, რომ ბიძინა ივანიშვილი ფლობს მილიარდ დოლარად შეფასებულ ხელოვნების ნიმუშებს. ბიძინა ივანიშვილი გასულ წელს მსოფლიოში მილიარდერებს შორის 270-ე ადგილს იკავებდა. მისი ქონება შარშანაც 5.2 მილიარდ დოლარს შეადგენდა. 2013 წელს 5,3 მილიარდი დოლარით იგი 229-ე ადგილს, 2012 წელს კი 6,4 მილიარდი დოლარით 153-ე ადგილს იკავებდა. 

2015 წლის რეიტინგის მიხედვით, პირველ სამ ადგილს ბილ გეითსი, მექსიკელი ბიზნესმენი კარლოს სლიმ ელუ და ამერიკელი ლორენ ბაფეთი ინაწილებენ.