2015-02-23 13:32

როგორც საბოლოოდ გაირკვა, „ოსკარის“ დაჯილდოების ცერემონიაზე ფილმ „მანდარინების“ შემოქმედებითმა ჯგუფმა სრულად ჩასვლა მაინც ვერ მოახერხა.

მსახიობი ია სუხიტაშვილი სტამბულში დარჩა და ლოს-ანჯელესში კი ჩავიდა, მაგრამ წითელ ხალიჩაზე ვერ მოხვდა, რის გამოც, ლოს-ანჯელესამდე ჩასულს, ტელეეკრანთან გულშემატკივრობა მოუწია.

„ჩემი წასვლა ვერ მოხერხდა. აი, იმ სიგიჟის გამო, რაც დაგვემართა თურქეთში, სტამბულის აეროპორტში, იქ სამდღიანი ცხოვრების გამო. პირადად იყო საჭირო, რომ აქ ვყოფილიყავი, სპეციალური აკრედიტაცია გამევლო.

ყველაზე მეტად გული მწყდება კაბის გამო, რომელსაც ისე სათუთად კერავდნენ და ვერ ჩავიცვი", - ამბობს მსახიობი.

ია სუხიტაშვილის „ოსკარზე“ დასასწრები კაბა ახალგაზრდა დიზაინერმა ალექსანდრე ახალკაციშვილმა შექმნა.

დიზაინერმა მსახიობისთვის თეთრი კაბა შეარჩია, რომლისთვისაც 10 მეტრი ქსოვილი და ასობით კრისტალი დაიხარჯა. დახვეწილ თეთრ კაბას გრძელი შლეიფი აქვს, კაბის ზურგი კი მთლიანად მოშიშვლებულია.

ვინ გაიღო თანხა ია სუხიტაშვილის კაბისთვის, ჯერჯერობით უცნობია.

ambebi.ge