2015-02-16 12:51

ბადრი პატარკაციშვილის თანამებრძოლი ვალერი გელბახიანი  „ვერსიასთან“ ინტერვიუში ბიძინა ივანიშვილისა და ბადრი პატარკაციშვილის ურთიერთობაზე საუბრობს.

მისი თქმით, ბადრის ბიძინა არ უყვარდა.

„ბადრის თავისი წარმოდგენები, შეხედულებები ჰქონდა და მისგან საქებარს ვერასოდეს გაიგებდით. მიაჩნდა, რომ ბიძინას ის დონე არ ჰქონდა, რაც მსხვილ ბიზნესმენს უნდა ჰქონდეს. ბადრი ამბობდა, მთავარი ჯერ ადამიანობაა და მერე ფულიო.

ფასეულობების თვალსაზრისით, არ თვლიდა, რომ მისი ტოლფასი ადამიანი იყო. მტრად არ მიაჩნდა, მაგრამ ბოლო დროს ეჭვობდა, რომ ბიძინა მის მოწინააღმდეგეთა ბანაკში იყო“, - აღნიშნა მან.

როგორც გელბახიანი ამბობს, „ვარდების რევოლუციას“ თავდაპირველად პატარკაციშვილი აფინანსებდა.

„...მართალია, ბადრის დეტალები არ უთქვამს, უკმაყოფილო რატომ იყო, მაგრამ მერე ბიძინამ დაწერა, რომ მიშას წინააღმდეგ ბრძოლა შესთავაზა, ძალები გავაერთიანოთ და მიშა დავამარცხოთო, რაზეც უარი უთხრა“- აცხადებს ვალერი გელბახიანი. 

„ვერსია“