2015-02-14 00:07

ლევან ვასაძე აგრესიულ დასავლურ ლიბერალიზმს მიიჩნევს იმას, რაც გასული ცხრა წლის განმავლობაში, მისი თქმით, უარყოფითი ხდებოდა.

ვასაძე არ გამორიცხავს, რომ ძალადობის ფაქტებს საქართველოში ერთი ხელი მართავდა, რომელმაც ამ ძალადობის მოთავეებსა და შემსრულებლებს „მერე მოკიდა ხელი, ჩასვა უკრაინაში და უთხრა - ახლა აქ მართე ესენი“.

ლევან ვასაძის თქმით, 330 ათასი ადამიანი ჩასვა წინა ხელისუფლებამ ციხეში, რაც იმას ნიშნავს, რომ მუშა ასაკის ყოველი მესამე მამაკაცი იმ ხელისუფლებამ ციხეში გაუშვა და როგორ აისახება ეს ჩვენს ფსიქიკაზე, ჯერ კიდევ არ ვიცით.

„მე აქ მიწის კანონზე სასაუბროდ მოვედი და არა იმაზე - ამაზე თუ იმაზე ვინ რა თქვა, ეს საერთოდ არ მაინტერესებს... ის, რაც მაინტერესებს და რისთვისაც აქ მოვედი, ეს არის ძალიან ცოტა დრო, დანარჩენი არის ხარკი, რომელსაც მე თქვენ გიხდით“, - აღნიშნა ლევან ვასაძემ „რეაქციაში“.