2015-02-12 12:58

ლარში გაცემული თითქმის ყველა სესხი ძვირდება.

აღნიშნული გადაწყვეტილება 11 თებერვალს საქართველოს ეროვნული ბანკის მონეტარული პოლიტიკის კომიტეტის სხდომაზე მიიღეს.

საუბარია რეფინანსირების განაკვეთის 50 პუნქტით გაზრდაზე, რაც იმას ნიშნავს, რომ  მათ ვისაც ლარში აქვს სესხი აღებული,  0,5 პროცენტით მეტი თანხის გადახდა მოუწევს.

ფინანსური პოლიციის ყოფილი უფროსის, სერგო ჯავახიძის თქმით, ერთიშე ხედვით თითქოს ნახევარი პროცენტი არაფერია, მაგრამ საბოლოო ჯამში დიდ თანხებთან გვაქვს საქმე.

„როცა ლარში იღებ კრედიტს, ხელშეკრულებაში გიწერენ, თუ გაუფასურდა, გაგეზრდებაო, ხელი გაქვს მოწერილი და ახლა რა უნდა გააკეთო?

ხედავ, რა დღეში ჩავარდა ქვეყანა ამ ლარის გაუფასურების გამო? დოლარში ვისაც ჰქონდა კრედიტი და ხელფასს იღებს ლარში, იმან ხომ ძალიან იზარალა და ახლა იგივე ხდება ლარის მხრივაც.

ეს მოსალოდნელი იყო, მოულოდნელი არაფერია, ორივე შემთხვევაში მოსახლეობა ზარალდება.

დავუშვათ, 10 ათასი ლარი გაქვს აღებული, 50 ლარი გემატება კრედიტის დაფარვის დროს", - აცხადებს ჯავახიძე.

„ალია“