15 იანვარს, საღამოს სომხეთში დაიწყო შეტაკებები დემონსტრანტებსა და პოლიციელებს შორის. ქუჩაში გამოსული ათასობით სომხეთის მოქალაქე ქალაქ გიუმრში ოჯახის 6 წევრის დახოცვაში ეჭვმიტანილი რუსი ჯარისკაცის სომხური მართლმსაჯულებისთვის გადაცემასა და მისი სასჯელის სომხეთში მოხდას ითხოვს.
დაპირისპირების შედეგად ერევანსა და გუმრში უკვე არიან დაზარალებულები: რამდენიმე პოლიციელმა დაზიანება თავში, ნაწილმა კი წელში მიიღო. დაკავებულია დემონსტრაციის რამდენიმე მონაწილე. სომხეთის პარლამენტის წევრი და პოლიციის მაღალჩინოსნები პირადად იმყოფებოდნენ გიუმრში მდებარე რუსეთის სამხედრო ბაზაზე, რათა პირადად დარწმუნებულიყვნენ, არის თუ არა ეჭვმიტანილი ვალერი პერმიაკოვი სომხეთის ტერიტორიაზე.
მათი განცხადებით, ეჭვმიტანლი ბაზაზე, განცალკევებულ კამერაში იმყოფება. მან დანაშაული 13 იანვარს აღიარა მას შემდეგ, რაც თურქეთის საზღვართან დააკავეს. სომეხმა დეპუტატმა მოქალაქეებს მოუწოდა, დაშლილიყვნენ, მაგრამ დემონსტრანტები დაშლას არ აპირებენ და სომხეთის პროკურორისგან რუსი კოლეგისადმი მიმართვას ითხოვენ, სადაც იქნება მოთხოვნა პერმიაკოვის რუსეთში გასამაღთლების შესახებ.
მოვლენათა განვითარების შესახებ პერიოდულად გაცნობებთ.
