-
2014-01-28 18:32
წყალტუბოში დაწყებული ინფრასტრუქტურული პროექტების შეჩერება დღეს მუშებმა აქციაზე გააპროტესტეს.
ამის შესახებ „ნიუპრესი“ იტყობინება. გამოცემის ინფორმაციით, აქცია წყალტუბოს გამგეობის შენობის წინ გაიმართა.
მუშების მთავარი მოთხოვნა სახელფასო დავალიანების დაფარვაა იმ კომპანიისგან, რომელიც აღნიშნულ სამუშაოებს ასრულებდა. როგორც მუშები ამბობენ, ისინი კომპანიის წარმომადგენლებთან დაკაშირებას ვეღარ ახერხებენ და დახმარებას ადგილობრივ თვითმმართველობას თხოვენ.
წყალტუბოს მუნიციპალიტეტის გამგებლის ინფორმაციით კი შპს "სანმა" სამუშაოები ფინანსური დავალიანების გამო შეაჩერა. კონსტანტინე მამისეიშვილი განმარტავს, რომ მათ უკვე მიმართეს წერილობით მუნიციპალური განვითარების ფონდს, რომელიც აღნიშნულ პროექტებს ახორციელებს.