2014-01-28 16:39

გავრცელებულმა ინფორმაციამ იმის შესახებ, რომ თებერვლიდან მანდატურის სამსახური უქმდება და ყველა სკოლა თავად გადაწყვეტს, დატოვებს თუ არა დაწესებულებაში მანდატურს - პროტესტი გამოიწვია.

"მანდატურის საგანმანათლებო სამსახურის ცენტრთან"  შეკრებილი მანდატურები აცხადებენ, რომ გადაწყვეტილების შესახებ მათმა უმრავლესობამ „სკაიპის“ მეშვეობით შეიტყო და ხელისუფლებამ ისიც არ ჩათვალა საწიროდ, გაეფრთხილებინათ მანდატურები:

„არ ვიცით, მოგვცემენ თუ არა იანვრის ხელფასს, რაც ვიმუშავეთ. თებერვლიდან გვიუქმებენ სამსახურს... ეს არის ჩვენი უგულებელყოფა და იმ მშობლების აზრის უგულებელყოფა, რომლებიც უფრო მშვიდად არიან, რადგან თავიანთი შვილებთან ერთად სკოლაში მანდატურებიც ეგულებათ“, - ამბობენ აქციის მონაწილეები.