საერთაშორისო ჟურნალისტ-გამომძიებელთა მიერ პანამის ოფშორულ ზონაში არსებული კომპანიებთან პოლიტიკური ფიგურების საეჭვო კავშირებისა და ფულის გათეთრების შესახებ ატეხილ სკანდალს მიხეილ სააკაშვილთან და პეტრო პოროშენკოსთან მიმართებაში განიხილავს გაზეთი "ქრონიკა პლუსი".

თბილისში, გოთუას ქუჩის მოპირდაპირე მხარეს, მტკვარში ჩავარდნილი პიტბულის ჯიშის ძაღლი მაშველთა ჯგუფმა გადაარჩინა. შემთხვევა 6 აპრილს მოხდა. ძაღლი ყიფშიძის ქუჩიდან დაიკარგა და მტკვრის კალაპოტში მისი პოვნის შესახებ ზარი 112-ში მოქალაქეებისგან შევიდა.

იმ ტურისტებს, ვინც ოკუპირებული აფხაზეთის ზღვისპირა ქალაქებში წელს ჩავა და ქუჩაში საბანაო კოსტუმით გამოჩენას გაბედავს, დააჯარიმებენ. ე.წ. აფხაზეთის რესპუბლიკის პარლამენტში კანონპროექტი უკვე შევიდა. 

ადვოკატი ირაკლი ზაქარეიშვილი თბილისში, დიდუბის რაიონში, წერეთლის პროსპექტზე მომხდარი ერთი ქურდობის შესახებ ჰყვება, რის თაობაზეც პოლიციას გაქურდული ბინის ხელოსანმა შეატყობინა, ხოლო პოლიციიდან მოქალაქე უკან გააბრუნეს, განცხადება არ დააწერინეს და ურჩიეს, სიტუაციაში თავად გარკვეულიყო, რის შემდეგაც ხელოსანმა ადვოკატს დაურეკა და ორივენი პოლიციაში მივიდნენ.

ცნობილმა იუმორისტმა ნუგო მეტრეველმა "ფეისბუქში" გამოაქვეყნა ფოტოკოლაჟი, რითაც 9 აპრილს სანკტ-პეტერბურგში დაგეგმილი "მგზავრების" კონცერტი გააშარჟა. 

მოსკოვის ცენტრში, საზოგადოებრივი ტრანსპორტის გაჩერებაზე, მოსაცდელის გვერდითა მხარეს უცნობებმა ვლადიმირ პუტინის პლაკატი გააკრეს. 

მსახიობი გურანდა გაბუნია აწ გარდაცვლილ მეუღლეს და ცნობილ მსახიობს ოთარ მეღვინეთუხუცესს იხსენებს და ამბობს, რომ ის 2008 წლის "პატარა ომის" შემდეგ განაწყენებული იყო რუსეთზე და ამის გამო უარი თქვა მოსკოვის თეატრში მიწვევაზე.

მომღერალი ირმა სოხაძე ეწინააღმდეგება ქართველი მომღერლებისა და ხელოვნების სფეროს წარმომადგენლების ჩასვლას რუსეთში კონცერტების გასამართად. 

ტელეწამყვანი გიორგი კორკოტაშვილი ჰაიდი ტალიავინის კომისიის დასკვნას იშველიებს იმის დასტურად, რომ 2008 წელს ომი საქართველომ დაიწყო. 

ტელეწამყვანი გიორგი კორკოტაშვილი ტვ "იბერიის" ეთერში, გადაცემაში "პრიორიტეტები" ამბობს, რომ ისინი, ვინც რუსეთის წინააღმდეგ აქციებს ატარებენ და მას ოკუპანტად მოიხსენიებენ, უარს არ ამბობენ რუსულ პროდუქტებსა და პროდუქციაზე.