საქართველოს ყოფილი პრემიერმინისტრი ბიძინა ივანიშვილი ჯერ კიდევ 2012 წელს, წინასაარჩევნო მარათონში ჩაბმული, ღიზიანდებოდა ჟურნალისტების დასმულ შეკითხვებზე და ხშირად მათ დამამცირებლადაც მიმართავდა.
ასე მაგალითად, ამ ვიდეოზე წარმოდგენილია, როგორ მიმართავს ბიძინა ივანიშვილი მისთვის და მისი გუნდისთვის არასასურველი "მედიაჯგუფის" წარმომადგენელს. აღსანიშნავია, რომ "მედიაჯგუფის" ჟურნალისტები ხშირად არღვევდნენ ეთიკურ სტანდარტებს, თუმცა, ამ კონკრეტულ შემთხვევაში ბიძინა ივანიშვილი გააღიზიანა შეკითხვამ: "ბატონო ბიძინა, თქვენ ბრძანდებით დემოკრატიული ღირებულებების მატარებელი?".
ასევე, აღსანიშნავია, რომ "მედიაჯგუფის" ყოფილი წარმომადგენელი, რომელიც ხშირად ჩადიოდა სხვადასხვა რეგიონში "ქართული ოცნების" შეკრებებზე, დასცინოდა კოლეგებს და პირადად ეკამათებოდა ბიძინა ივანიშვილს, დღეს ხელისუფლების მხრიდან პრივილეგირებულ მედიასაშუალებას ხელმძღვანელობს დასავლეთ საქართველოში.