საქალაქო სასამართლომ გააუქმა გადაწყვეტილება საქართველოს თავდაცვის ყოფილი მინისტრის დავით კეზერაშვილი პატიმრობის შესახებ, რომელიც მას დაუსწრებლად შეეფარდა. ე.წ. რიყისა და "თბილსერვისი" საქმეზე დავით კეზერაშვილი გამართლებულია.

გიგი უგულავასთვის ბადრაგს ხელბორკილები არ დაუდვია: დედაქალაქის ყოფილი მერი საბადრაგო სამსახურის თანამშრომლებთან ერთად მას შემდეგ გაუჩინარდა სასამართლოს დერეფნის სიღრმეში, რაც ფანჯრიდან ჯერ სასამართლოს ეზოში შეკრებილ ოჯახის წევრებსა და მხარდამჭერებს, ხოლო შემდეგ პირდაპირი ჩართვის კამერიდან - მაყურებელს დაემშვიდობა.

სასამართლოს გადაწყვეტილების შემდეგ დედაქალაქის ყოფილი მერი, რომელსაც საბოლოოდ, 4 წლითა და 6 თვით თავისუფლების აღკვეთა მიუსაჯეს, აცხადებს, რომ დასვენება ვერ მოასწრო და ახლა მიდის დასასვენებლად. 

დედაქალაქის ყოფილი მერის გიგი უგულავას მიმართ საქალაქო სასამართლომ გამამტყუნებელი განაჩენი გამოიტანა და ის სასამართლოს დარბაზში დააპატიმრეს. ამიერიდან გიგი უგულავა მსჯავრდებულია. 

„ნაციონალური მოძრაობის“ ერთ-ერთი ლიდერის გიგა ბოკერიას განცხადებით, მოსამართლეს წინაწარ დაწერილი გადაწყვეტილების წაკითხვა ცარიელ დარბაზში მოუწევს და მისი წაკითხვის პროცესს არც გიგი უგულავა, არც მისი დაცვის წევრები არ დაესწრებიან.

დედაქალაქის ყოფილი მერი გიგი უგულავა დარწმუნებულია, რომ დღეს მოსამართლე მის გამამტყუნებელ განაჩენს გამოიტანს და ე.წ. მატროსოვზე დაბრუნება მოუწევს, რადგან ამ სასამართლოს მიზანი არა სიმართლის დადგენა, არამედ მისი ციხეში დაბრუნებაა.

დედაქალაქის ყოფილი მერი გიგი უგულავა აცხადებს, რომ სასამართლოს გამამტყუნებელი განაჩენი ივანიშვილს მზის ჩასვლამდე უნდა გაუმზადონ და რომ სასამართლოზე დღის წესრიგს უკვე არა ივანიშვილი, მეჭიაურიც კი ადგენს.

ბიძინა ივანიშვილის ყოფილი მრჩეველი გია ხუხაშვილი აცხადებს, რომ უგულავას თემა ხელისუფლების მარცხია, თუმცა, ეს ერთადერთი ბრძოლა არ არის და ბრძოლა გრძელდება. 

საქართველოს საკონსტიტუციო სასამართლოს თავმჯდომარემ გიორგი პაპუაშვილმა საგანგებო განცხადება გააკეთა და აღნიშნა, რომ ბოლო დღეებში განვითარებულ მოვლენებთან დაკავშირებით გახშირდა ანგარიშსწორების მუქარა მოსამართლეებისა და მათი ოჯახის წევრების მიმართ და სამართალდამცველ ორგანოებს მიმართა, უზრუნველყონ საკონსტიტუციო სასამართლოს ნორმალური მუშაობა.

"ის, რასაც სასამართლო პროცესზე პროკურატურა აკეთებდა, პოლიტიკა კი არა, ადამიანური სახის დაკარგვაა, მე მრცხვენია პროკურატურის ნაცვლად", - ეს განცხადება საპარლამენტო უმცირესობის ლიდერმა დავით ბაქრაძემ გიგი უგულავას გათავისუფლების შემდეგ გააკეთა.