ჩეხეთში მოძრაობა Ztohoven-ის აქტივისტებმა, რომლებიც რამდენიმე საკითხში ქვეყნის პრეზიდენტის პოზიციას მკვეთრად უარყოფითად აფასებენ, პრაღაში მდებარე პრეზიდენტის სასახლის თავზე აღმართული ეროვნული დროშა ჩამოხსნეს და მის ნაცვლად გიგანტური წითელი ტრუსი აღმართეს, განაცხადეს რა, რომ ბოლოს და ბოლოს, სასახლეზე აღმართულია იმ კაცის სიმბოლო, რომელსაც არაფრის რცხვენია.

უნგრეთის საზღვარზე 7 წლის საიდის მამის თავგანწირულ გარღვევასა და "სანტიაგო ბერნაბეუზე" რონალდუსთან ხელიხელჩაკიდებულ გამოსვლას შორის სულ 11 დღიანი მონაკვეთია. საიდი ბედნიერია განსხვავებით იმ დღისგან, როცა უნგრელი ჟურნალისტი ქალის მიერ ამაზრზენი ჟესტის - დადებული სარმის შესახებ მთელმა მსოფლიომ შეიტყო.

გიგი უგულავა, რომელმაც საკონსტიტუციო სასამართლოს გადაწყვეტილებით გათავისუფლების შემდეგ თავისუფლებაზე სულ 23 საათი გაატარა, ამბობს, რომ ყველაზე მეტად შვილებთან სიახლოვის ნაკლებობას განიცდის, ხოლო "მატროსოვზე" ბევრი რამ გადააფასა.

მეოცე საუკუნის 70-80-იანი წლების ეროვნულ-გამათავისუფლებელი მოძრაობის ლიდერი, მაშინდელი ეროვნული დამოუკიდებლობის პარტიის თავმჯდომარე ირაკლი წერეთელი მიიჩნევს, რომ გიგი უგულავას ხელახალი დაპატიმრება სამარცხვინო იყო, ამასთან, ენმ-ს მიმართავს და ამბობს, რომ პარტიას მხარდამჭერებთან ერთად, უიარაღო წინააღმდეგობა უნდა გაეწია ხელისუფლებისთვის და გიგი უგულავას ხელახლა დაპატიმრება არ უნდა დაეშვა.

ფინანსთა მინისტრი ნოდარ ხადური "აიპრესთან" საუბრისას, პენსიის მატებასთან დაკავშირებით "ათლარიან მატებას" აპროტესტებს და ამბობს, რომ პენსია 50 ლარით გაიზარდა.

"ქართული დასის" ლიდერი ჯონდი ბაღათურია "ლაიფ ნიუსთან" ინტერვიუში ამბობს, რომ რუსეთის საქართველოს ერთადერთი რეალური მოკავშირეა, რომელსაც რეგიონში მშვიდობა სურს.

პოლიტოლოგი გია ხუხაშვილი "რეზონანსთან" ინტერვიუში ამბობს, რომ მომავალ არჩევნებს "ქართული ოცნება" ადმინისტრაციული რესურსის ხარჯზე მოგებს, რასაც "რუსთავი-2" გამოააშკარავებს, დაიწყება გამოსვლები და "ოცნება" ამ კრიზისს ვეღარ გადაიტანს.

"საქართველოს განვითარების კვლევითი ინსტიტუტის" დამფუძნებელი გია ხუხაშვილი რადიო "თავისუფლებასთან" საუბრისას ამბობს, რომ გიგი უგულავას ირგვლივ განვითარებულმა მოვლენებმა ხელისუფლებას ელექტორატის ნაწილი დააკარგვინა, მაგრამ ეს იმას არ ნიშნავს, რომ ეს ელექტორატი ენმ-ს მხარდამჭერი გახდა. 

იაპონიის ნაკრების გამარჯვება რაგბიში სამხრეთ აფრიკელებთან, ჯერჯერობით, მსოფლიო თასის მთავარი სენსაციაა. იაპონელებმა საოცარი მობილიზება გამოამჟღავნეს და ფაქტობრივად, ბოლო წუთებში გადაწყვიტეს თამაშის ბედი.

13 წლის მოზარდი წყნეთში, პეინტბოლის პერიმეტრში, ყელში მოხვედრილი ტყვიის შედეგად ადგილზე გარდაიცვალა. ტყვია ახალგაზრდას გაუვარდა, რომელიც ცეცხლსასროლ იარაღს წმენდდა.