უკრაინის ეროვნული პოლიციის ხელმძღვანელი ხატია დეკანოიძე აცხადებს, რომ მას უკრაინაში არც პოლიტიკური, არც ეკონომიკური ინტერესი არა აქვს და მისი ამოცანა მხოლოდ ისაა, რომ უკრაინას ნამდვილი ეროვნული პოლიცია ჰყავდეს. 

32 წლის ქართველი წარმოშობის "კანონიერი ქურდი" ირაკლი დანელია, იგივე "იკა მარტვილსკი" რუსმა სამართალდამცველებმა ივანოვოს საბილიარდეში დააკავეს და დიდი რაოდენობით ამფიტამინი აღმოუჩინეს. მასთან ერთად კიდევ 10 ადამიანია დაკავებული.

პორტალი "კვირა" ავრცელებს ინფორმაციას, რომ თბილისში, ბუკიას ბაღთან შინაგან საქმეთა სამინისტროს მესანგრეთა ჯგუფი მუშაობს, პერიმეტრი კი გადაკეტილია საპატრულო პოლიციის მიერ.

"ქართული დასის" ლიდერი ჯონდი ბაღათურია მოსკოვს მიემგზავრება. ინფორმაცია ამის შესახებ "რეპორტიორს" "ქართული დასის" პრესსამსახურში დაუდასტურეს. 

რუსმა ტრაილერების მძღოლებმა, რომლებიც სისტემა "პლატონ"-ს (გადასახადი წონის მიხედვით) აპროტესტებენ, გადაკეტეს მოძრაობა მოსკოვის წრიულ ხაზზე. ერთ-ერთმა მძღოლმა განაცხადა,რომ დაწვავს თავის სატვირთო მანქანას წითელ მოედანზე, თუკი გადასახადების ახალ სისტემას არ გააუქმებენ. 

საქართველოში თურქეთის ელჩი ზექი ლევენთ გუმრუქჩუ აცხადებს, რომ გაოცებულია თითქოსდა თურქეთთან აჭარის შასაძლო შეერთებაზე გაჩენილი ხმებით და მიიჩნევს, რომ ეს პროვოკაციაა, რადგან თურქეთის 10-დან 9 მოქალაქე საქართველოს ერთიანობას აღიარებს და ამ ქვეყანას ისტორიულ პარტნიორად მიიჩნევს. 

საფრანგეთში მყოფი ზურაბ ბაკურაძე აღწერს ერთ შემთხვევას, რომლის მთავარი მოქმედი პირი თვითონ და ერთი უპოვარი მამაკაცი იყვნენ - მამაკაცმა მას თავდაპირველად ფული სთხოვა, მაგრამ იმის გამო, რომ ფული არ ჰქონდა, ბაკურაძემ მას შარვლის ჩუქება შესთავაზა. 

თურქეთის პრეზიდენტმა რეჯებ ტაიპ ერდოღანმა განაცხადა, რომ „ისლამური სახელმწიფოსგან“ ნავთობის ყველაზე მსხვილი შემსყიდველი სირიელი ბიზნესმენი რუსეთის მოქალაქეა.

რუსეთის თავდაცვის სამინისტროს მიერ გამოქვეყნებული ბენზინმზიდების ფოტოები, რომლებიც უწყებამ თურქეთისა და ISIS-ის კავშირების დამადასტურებელ ფაქტებად დაასახელა, სინამდვილეში, ერაყელი ქურთების კუთვნილი აღმოჩნდა და „ისლამურ სახელმწიფოსთან“  კავშირი არა აქვს.

3 დეკემბერს, დილით, სტამბოლოს ათათურქის სახელობის აეროპორტში, გაფრენის ტაბლოზე, მოსკოვში რეის SU 2137-ით მიმავალ მგზავრებს რეგისტრაციისთვის F-16 განყოფილებაში მოუხმეს.