2015-12-16 00:35

გაზეთ „ქრონიკა+“-ში გამოქვეყნებული ინტერვიუს ავტორი, ყოფილი დეპუტატი გია კელენჯერიძე „არჩევანის“ ეთერში გერმანიიდან ჩაერთო. მისი განცხადებით, პოლიტპატიმართა სია გარკვეული გარიგებების შედეგად შედგა. 

„როდესაც ამ სიაში ჩემი მოხვედრა შეუძლებელი გახდა და როდესაც დაცვაც კი არ მიშვებდა პარლამენტის შიგნით, მაშინ გავიგე სიმართლე, იქ უამრავი ადამიანი ვნახე, რომელიც ცდილობდა კომისიაში შეღწევას. იყო ქალბატონი, რომელიც ამტკიცებდა, რომ მას თაღლითურად წაართვეს ქონება და ის ამტკიცებდა, რომ ამ ქონების ნაწილის გადაფორმება მოხდა ქალბატონი ეკა ბესელიას დაზე. ის პიროვნება, ვინც მათ ქონება წაართვა, იყო ბესარიონ ხვინთელიანი“,- განაცხადა კელენჯერიძემ.

გრიგოლ კელენჯერიძის თქმით, მისი დეიდაშვილი ბექა პაპუაშვილი ზურაბ ვაზაგაშვილმა მოკლა. შემდეგ იური ვაზაგაშვილმა ეს საქმე დიდი ფულით ჩაფარცხა. საეჭვო ვითარებაში გარდაიცვალა საქმის ერთადერთი მოწმე გიორგი გაბუნიაც. 

გია კელენჯერიძე თავადაც ითხოვდა პოლიტ-პატიმრის სიაში შეყვანას. თუმცა, მისი მტკიცებით, ის სიაში იური ვაზაგაშვილის შვილის, ზურაბ ვაზაგაშვილის, მიერ 2002 წელს ჩადენილი მკვლელობის გამო არ ჩასვეს.

„ზურაბ ვაზაგაშვილს ძეგლს უდგამდნენ რამდენიმე დღეში და ის უმწიკლოდ უნდა დარჩენილიყო. მე კი ვსაუბრობდი მის მიერ 2002 წელს ჩემი ნათესავის, მწერლის, ბექა პაპუაშვილის მკვლელობის საქმეზე. ეს მათთვის მიუღებელი იყო,“ - განაცხადა გია კელენჯერიძემ.