რუსეთში, ბოლო დღე-ღამის მანძილზე კორონავირუსის 5849 ახალი შემთხვევა გამოვლინდა და საერთო ჯამში ქვეყანაში დაფიქსირებულ პაციენტთა რაოდენობა 68622-მდე გაიზარდა. ამავე პერიოდში რუსეთში კორონავირუსით 60 ადამიანი დაიღუპა და გარდაცვლილთა რიცხვმა 615-ს მიაღწია.

უკრაინა საუკეთესო ადგილი უნდა გახდეს ბიზნესის კეთების თვალსაზრისით, უკრაინელი ხალხი ქვეყნიდან არ უნდა მიდიოდეს სამსახურის საძებნელად, - ამის შესახებ ოდესის ყოფილმა გუბერნატორმა, საქართველოს ყოფილმა პრეზიდენტმა მიხეილ სააკაშვილმა უკრაინულ ტელეარხთან საუბარში განაცხადა.

აშშ-ის პრეზიდენტმა დონალდ ტრამპმა თეთრ სახლში გამართული ბრიფინგის დროს CNN-სა და Washington Post-ს ყალბი ახალი ამბების გავრცელებაში დასდო ბრალი. ტრამპმა CNN-ის ჟურნალისტს ჩრდილოეთ კორეის ლიდერის, კიმ ჩენ ინის შესახებ კითხვის დასმის საშუალება არ მისცა და განუცხადა, რომ ისინი სიმართლეს არ წერენ და CNN ყალბ ახალ ამბებს ავრცელებს.

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, რეანიმაციულ განყოფილებაში 8 პაციენტი იმყოფება, რომელთაგან ორის ჯანმრთელობის მდგომარეობა კრიტიკულად მძიმეა. რაც შეეხება ახალ შემთხვევებს, როგორც რატიანმა ჟურნალისტებს განუცხადა, კლინიკაში 2 ახალი პაციენტია და მათ სიმპტომური მკურნალობა უტარდებათ.

კარანტინში მყოფ ადამიანებს D ვიტამინის მიღებისკენ მოუწოდებენ. ამის შესახებ Independent-ი ქვეყნის ჯანდაცვის სამინისტროზე დაყრდნობით წერს.

აშშ-ის სახელმწიფო მდივანინ მაიკ პომპეო აცხადებს, რომ აშშ-მ, შესაძლოა, ჯანდაცვის მსოფლიო ორგანიზაციას დაფინანსება აღარ აღუდგინოს.

არავითარი გამკაცრება არ მომხდარა და არსებული საგანგებო მდგომარეობის ფარგლებში არ მოხდება ჩვენს მიერ მიღებული კოდექსის გამოყენება, - ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა პარლამენტის მიერ გუშინ მიღებულ ცვლილებებთან დაკავშირებით განაცხადა.

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, პაციენტის მდგომარეობა, რომელიც პირველ ხუთეულში შედის და კორონავირუსზე დღემდე დადებითი პასუხი აქვს, დამაკმაყოფილებელია. ეზუგბაია აცხადებს, რომ ხვალ ან ზეგ მასთან ტესტზე უარყოფით პასუხს ელოდებიან.

აშშ-ის წარმომადგენელთა პალატამ კორონავირუსის პანდემიით გამოწვეული შედეგების დასაძლევად ეკონომიკისა და საავადმყოფოების მხარდაჭერისთვის 484 მილიარდი აშშ დოლარის ოდენობის დახმარების პაკეტი დაამტკიცა.

აჭარაში კორონავირუსის ერთი ახალი შემთხვევა გამოვლინდა, იგი ე.წ.ქობულეთის კლასტერს უკავშირდება,- ამის შესახებ აჭარის ჯანდაცვის მინისტრის მოადგილე ნინო ნიჟარაძემ ჟურნალისტებს განუცხადა.