ტვ "პირველის" საინფორმაციო გამოშვებაში "დღის ამბები ინგა გრიგოლიასთან ერთად", 14:00 საათზე სტუდიის სტუმარმა, საქართველოს პარლამენტში უმრავლესობის წარმომადგენელმა დავით ლორთქიფანიძემ წამყვანისადმი მიმართვა ასე დაიწყო: "მოგესალმებით, შეყვარებულო ქალბატონო ინგა!"

ანსამბლები "რუსთავი" და "ბანი" სამხრეთ რუსეთის ქალაქებში გასტროლებს გეგმავენ და ტურნეს ვლადიკავკაზიდან იწყებენ, რამაც ე.წ. სამხრეთ ოსეთის რესპუბლიკის ხელმძღვანელობისა და ოსი მოსახლეობის ნაწილის პროტესტი გამოიწვია. ტურნეს აპროტესტებენ სოციალური ქსელების ქართულენოვანი მომხმარებლებიც.

ლუდსახარშ "ზედაზენში" 23 მარტს უკვე ჩამოისხა პირველი "გაქართულებული" "ბავარია". ლეგენდარული ლუდის მწარმოებელმა კომპანიამ "ზედაზენისთვის" უპრეცენდენტო გამონაკლისი დაუშვა. *

ბრიუსელში დაკავებულია ნაჯიმ ლაშრავი. ის ეჭვმიტანილია 22 მარტს ბრიუსელის ტერაქტების მოწყობაში. დაკავებულს ბრალი უკვე წარუდგინეს.

კიევში ავტოსაგზაო შემთხვევის შედეგად "ფოლკსვაგენი" და საპატრულო პოლიციის მანქანა დაზიანდა. სავარაუდოდ, ნარკოტიკული თრობის ქვეშ მყოფმა მძღოლმა საჭე ვერ დაიმორჩილა და პოლიციელთა მანქანას შეეჯახა, რის შემდეგაც ინსპექტორმა სხვადასხვა სახის დაზიანება მიიღო.

ციხისძირიდან სპეციალური ბარჟის საშუალებით ურეკში, ბიძინა ივანიშვილის დენდროლოგიურ პარკში ასწლოვანი ხის გადატანა სოციალურ ქსელებსა და ვიდეოპორტალებზე ისევ აქტუალურია. 

"პატრიოტული ალიანსის" დამფუძნებელი და ლიდერი დავით თარხან-მოურავი აცხადებს, რომ რუსეთის საგარეო საქმეთა მინისტრის მოადგილე გრიგორი კარასინი, საქართველოს თავდაცვის მინისტრ თინათინ ხიდაშელის მისამართით გამოთქმულ შეფასებებს უშუალოდ ოდესის ოლქის გუბერნატორ, მიხელ სააკაშვილის დავალებით აჟღერებს.

ჟურნალისტი, გაზეთ "ქრონიკა პლუსის" დამფუძნებელი და მთავარი რედაქტორი ელისო კილაძე კიბერშეტევის მსხვერპლი გახდა: დაუდგენელმა პირებმა "ფეისბუქში" მისი პროფილი და ელექტრონული ფოსტა გატეხეს. ამის შესახებ ელისო კილაძემ თავად დაწერა "ფეისბუქზე", პროფილის აღდგენის შემდეგ. 

ციხისძირში დარჩენილი ასწლოვანი ხე, რომლის ურეკში გადატანა ამ დრომდე ვერ ხერხდებოდა, კომპანია "ზიმოს" სპეცტექნიკის მობილიზების შემდეგ ციხისძირთან მიცურებულ სპეციალურ ბორანზე გადაიტანეს და ივანიშვილის დენდროლოგიურ პარკში გადასარგავად გაამზადეს.

რუსმა მომღერალმა ზემფირამ, რომელმაც თბილისში კონცერტის დროს უკრაინის დროშა ააფრიალა, იგივე ვილნიუსში არ გაიმეორა. პირიქით, მან გაღიზიანება არ დამალა დარბაზში უკრაინის სახელმწიფო დროშის გამოჩენაზე და მისი მოშორება მოითხოვა.