2016-04-05 18:10

ახალი პოლიტიკური ცენტრის "გირჩის" ლიდერი ზურაბ ჯაფარიძე 16 აპრილს ცენტრის ყრილობას აანონსებს. ამის შესახებ "გირჩის" ლიდერმა ბრიფინგზე დღეს განაცხადა.

"ჩვენი გუნდი არის გუნდი, რომელიც არ იტყუება, იძლევა მხოლოდ კონკრეტულ დაპირებებს, გუნდი, რომელიც ხშირად ამბობს მწარე სიმართლეს", - განაცხადა ზურაბ ჯაფარიძემ და დაამატა, რომ უკვე დადგა დრო, "გირჩი" იქცეს პარტიად: "სწორედ ამიტომ, ჩვენ 16 აპრილს ფილარმონიაში ვაპირებთ ჩავატაროთ ყრილობა და დავაფუძნოთ ახალი პოლიტიკური ცენტრი, გეპატიჟებით ყველას, ვისაც სჯერა, რომ ეს ქვეყანა და მათი შვილები იმსახურებენ უკეთეს მომავალს".