ტელეკომპანია "მაესტროში" სტუმრობისას მწერალმა ლაშა ბუღაძემ გააკრიტიკა "მაესტროს" ინტერაქტივის შეკითხვის ფორმულირება: "ვისი მხარე უნდა დაიჭიროს საქართველომ" რუსეთ-თურქეთის დაპირისპირებაში?"

რუსეთის ლიბერალ-დემოკრატიული პარტიის ლიდერი, კრემლის რუპორის სახელით ჩნობილი ვლადიმირ ჟირინოვსკი თურქეთ-რუსეთის დაპირუსპირებაზე საუბრობს და აცხადებს, რომ სტამბულის გასანადგურებლად მხოლოდ ერთი ბირთვული ბომბია საკმარისი.

შავი ზღვის ეკონომიკური თანამშრომლობის საპარლამენტო ასამბლეაზე უკრაინელმა დეპუტატებმა საქართველოსა და უკრაინის ოკუპაცია გააპროტესტეს იმ დროს, როცა მომხსენებლად ტრიბუნასთან რუსეთის წარმომადგენელი სერგეი ნარიშკინი გავიდა.

სირიის ქალაქ ხმეიმიმში განლაგებულ რუსეთის ავიაბაზას ასადის მოწინააღმდეგე ამბოხებულებმა საარტილერიო დარტყმა მიაყენეს, არის მსხვერპლი. ავიაბაზაზე შეტევა სწორედ იმ პროვინციაში (ლატაკია) განხორციელდა, სადაც რუსული სუ-24 ჩამოაგდეს.

რუსეთის ფედერაციამ მიიღო გადაწყვეტილება, ცალმხრივად გააუქმოს უვიზო მიმოსვლის რეჟიმი თურქეთთან, - ამის შესახებ რამდენიმე წუთის წინ ცნობა "რია ნოვოსტიმ" გაავრცელა.

თურქეთის პრეზიდენტის რეჯიბ ტაიპ ერდოღანის სატელევიზიო გამოსვლის სხვადასხვა ფრაგმენტი მოჰყავს „როიტერს“ - გამოცემის ინფორმაციით, ერდოღანმა განაცხადა, რომ თურქეთს რუსეთთან ურთიერთობის გაფუჭება ხელს არ აძლევს, მაგრამ რუსეთი ცეცხლთან თამაშს უნდა მოეშვას.

რუსეთის უმაღლესი დუმის დეპუტატი მმართველი "ედინაია როსიას" პარტიიდან ინტერვიუში აცხადებს, რომ რუსეთის ერთადერთი მიზანი უნდა იყოს ყოფილი სსრკ-ს რესპუბლიკების დაპყრობა და "დიდი რუსეთის" საზღვრების იმ სტატუსში აღდგენა, როგორიც ის 1945-91 წლებში იყო. "ჩვენ მოგვიწევს ამის გაკეთება", - განაცხადა ფედოროვმა.

თურქეთთან მომხდარი ინციდენტის გათვალისწინებით, დღეს რუსეთს არ ჰყავს მოკავშირეები შავი ზღვის აუზში. მეტიც: შავი ზღვის აუზის ხუთი ქვეყნიდან სამი (თურქეთი, ბულგარეთი, რუმინეთი) ნატოს წევრი, ხოლო ორი (უკრაინა, საქართველო), პრაქტიკულად, წევრობის კანდიდატია.

CNN-თან ინტერვიუში თურქეთის პრეზიდენტმა რეჯიბ ტაიპ ერდოღანმა გააფრთხილა რუსეთი, რომ მისი მხრიდან C-400-ის გამოყენება თურქული თვითმფრინავების წინააღმდეგ აღქმული იქნება, როგორც აგრესია. 

უკრაინის მარლთმადიდებლური ეკლესიის ლუცკისა და ვოლინსკის ეპარქიის მიტროპოლიტი მიხეილი (ზინკევიჩი) მრევლს ქადაგებისას ეუბნება, რომ უნდა ილოცონ არა ოკუპანტების (რუსულ), არამედ უკრაინულ ენაზე.