2014-11-07 10:58

მარჯანიშვილის თეატრის მსახიობი ნიკა კუჭავა „პალიტრა TV“-ის ეთერში ახალი გადაცემის წამყვანი გახდა,რომელშიც ნებისმიერმა ადამიანმა შეიძლება, ფული მარტივად მოიგოს.

„მარტივი ფული“  ნოემბრიდან გავა ეთერში. თამაში ფულზეა. ვსვამ ძალიან მარტივ კითხვას და მიუხედავად იმისა, იცის თუ არა მოთამაშემ კითხვაზე სწორი პასუხი, მაინც შეუძლია გააგრძელოს თამაში და ჰკითხოს პასუხი ნებისმიერ გამვლელს.

სწორი პასუხის შემთხვევაში იღებს ათ ლარს. ხუთი კითხვა უნდა დავუსვა მოთამაშეს, აქედან გამომდინარე 50 ლარზეა თამაში. მერე იქნება სუპერთამაში. იმ შემთხვევაში, თუ დამთანხმდება მოთამაშე სუპერთამაშზე, სიურპრიზი ელოდება.

კონვერტში შეიძლება ხუთასი ლარი იყოს, შეიძლება 50 ლარზე ნაკლები. საკმად ხალისიანი და აზარტული თამაშია. კითხვები არაა რთული, ნებისმიერ ადამიანს შეუძლია, რომ გასცემს კითხვაზე სწორი პასუხი, კარგად თუ დაფიქრდება.

ადამიანის თამაშზე დათანხმებაში ბევრი დრო იკარგება. რაც შეიძლება, ხუთ წუთში ჩაწერო, სამი საათი გვიწევს ''ჩალიჩი''. უმარტივეს კითხვაზე ძალიან ბევრმა არ იცის პასუხი... მაგალითად, მახსოვს ვეკითხებოდი, რომელ სანაპიროზე ვიმყოფებით-მეთქი და ათიდან ცხრამ არ იცოდა.

მოკლედ, ძალიან საინტერესო გადაცემა გელოდებათ და ყველას გირჩევთ, რომ პალიტრის ეთერში ნოემბრიდან შემოგვიერთდეთ,“ - აცხადებს ნიკა კუჭავა.

reitingi.ge