-
2014-10-31 15:12
სამი შვილის დედამ თავი იმის გამო მოიკლა, რომ მას ქმარი და ქმრის ოჯახის წევრები , სახლიდან წასვლის შემთხვევაში ძმის მოკვლით ემუქრებოდნენ,–ამის შესახებ გარდაცვლილის მამა გურამ დავითაძე აცხადებს.
მისი თქმით, ერთხელ ოფიციალურად იყო მცდელობა, რომ შვილი იმ ოჯახიდან წამოეყვანათ, თუმცა, გოგონამ წამოსვლაზე უარი განაცხადა.
გარდაცვლილ მადონა დავითაძის მამის, გურამ დავითაძის განცხადებით, გოგონას აშინებდნენ და მას ძმის მოკვლით ემუქრებოდნენ, თუ ის ქმრის ოჯახიდან წამოვიდოდა. მისი თქმით, ფსიქოლოგიურმა ზეწოლამ აიძულა მისი შვილი, სიცოცხლე თვითმკვლელობით დაესრულებინა.
ბათუმში, სამების დასახლებაში 22 წლის ქალი გარდაცვლილი იპოვეს. მას სამი მცირეწლოვანი შვილი დარჩა.