უკრაინის შსს–ს მიერ გავრცელებული ინფორმაციით, ევრომაიდნის ორი აქტივისტის გარდაცვალების მიზეზი მართლაც გახდა ცეცხლსასროლი იარაღიდან მიღებული ჭრილობები, თუმცა, ვაზნის ის სახეობები, რამაც სიკვდილი განაპირობა, შსს–ს შეიარაღებაში არ არის.
ამის შესახებ ცოტა ხნის წინ გავრცელებულ განცხადებაშია ნათქვამი. შსს აცხადებს, რომ ვაზნები შინაგანი უწყების შეიარაღებაში არ არის და ამას გარდა, შსს–ს წარმომადგენლები, რომლებიც კიევის ცენტრში წესრიგის დაცვას ცდილობენ, იქ ტაბელური იარაღის გარეშე იმყოფებიან:
„ამრიგად, განვიხილავთ ვერსიას, რომ მკვლელობა მომხდარია შემდგომი დაპირისპირების პროვოცირებისა და მომიტინგეთა მხრიდან ცეცხლსასროლი იარაღის გამოყენების გამართლების მიზნით. ამ ვერსიას ამყარებს სხვადასხვა ფოტო და ვიდეომასალა, სადაც კარგად ჩანან ცეცხლსასროლი იარაღით შეიარაღებული აქტივისტები“, – ნათქვამია ოფიციალურ განცხადებაში.