სახელმწიფო დაცვის სპეციალური სამსახურის უფროსის თანამდებობა ვაკანტურია. - ამის შესახებ საპარლამენტო უმცირესობის წევრი ირმა ნადირაშვილი წერს.
დეპუტატი აღნიშნავს, რომ ყოფილმა უფროსმა ჩუბინიძემ განცხადება გადადგომის თაობაზე დილით დაწერა და ამის მიზეზი ირაკლი ღარიბაშვილთან წარმოქმნილი პრობლემებია:
„სახელმწიფო დაცვის სპეცსამსახურის უფროსის ადგილი ვაკანტურია. ივანიშვილის დაცვის ყოფილმა უფროსმა, ჩუბინიძემ განცხადება დღეს დილას დაწერა. ჩემი ინფორმაციით, მას პრობლემები ღარიბაშვილთან ჰქონდა.
გაპრემიერების შემდეგ ღარიბაშვილმა უარი თქვა სპეცსამსახურის დაცვაზე და გარკვეული პერიოდი ისევ შსს-ს დაცვით სარგებლობდა. ეს ინციდენტი მაშინ ბიძინა ივანიშვილის ჩარევის შემდეგ დარეგულირდა.
დღეს კი ჩუბინიძე იძულებული გახდა, თანამდებობდა დაეტოვებინა. საუბარია იმაზეც, რომ საკადრო ცვლილებები უწყებაში მოადგილეებსაც შეეხებათ“, - წერს „ნაციონალური მოძრაობის“ ერთერთი ლიდერი.
