ევგენი ბესტუჟი, რომელიც ბათუმში რესტორნისა და ბარის მფლობელი იყო, საკუთარ ბინაში, სავარაუდოდ, ცივი იარაღით მოკლეს.
შემთხვევა გუშინ, საღამოს საათებში მოხდა: ბიზნესმენი საკუთარ ბინაში, რომელიც რუსთაველის 15–ში მდებარეობს, მრავლობითი ჭრილობებისგან გარდაცვლილი იპოვეს. მას ჭრილობები, სავარაუდოდ, ცივი იარაღით აქვს მიყენებული.
ბიზნესმენი რუსთაველის 15–ში მდებარე კორპუსის მერვე სართულზე მეუღლესთან და მცირეწლოვან შვილთან ერთად ცხოვრობდა, თუმცა, მკვლელობის მომენტისთვის ისინი შინ არ იმყოფებოდნენ.
ევგენი ბესტუჟი დაახლოებით 40 წლის იყო და ძველი ბათუმის ტერიტორიაზე რესტორანი „ბათუმი“ და ლუდის ბარი „ლუდი კოზლოვიჩი“ ჰქონდა გახსნილი.
მომხდართან დაკავშირებით სისხლის სამართლის საქმე განზრახ მკვლელობის მუხლითაა აღძრული.