2014-08-20 10:01

20 აგვისტოდან 20 სექტემბრამდე პირადობის ახალი მოწმობის აღება 34 ლარის ნაცვლად, 15 ლარი ეღირება.

 
როგორც იუსტიციის სახლის აღმასრულებელმა დირექტორმა, ირაკლი ლომიძემ განაცხადა ამ ფასში შედის დოკუმენტისთვის საჭირო ფოტოს თანხაც, რომელიც ცალკე 3 ლარი ღირდა. აქციის პირობების თანახმად, პირადობის ახალი მოწმობის მიღების მსურველები პირადობის დამადასტურებელ ახალ დოკუმენტს 15 ლარად, სტანდარტულად 10 დღის ვადაში მიიღებენ .

პირადობის ახალი მოწმობის მისაღებად მოქალაქეებმა იუსტიციის სახლებს, სახელმწიფო სერვისების განვითარების სააგენტოს ფილიალებს ან საზოგადოებრივ ცენტრებს უნდა მიმართონ. 

20 სექტემბრის შემდეგ, პირადობის მომწმობის აღება ისევ 34 ლარი გახდება.