2014-08-20 09:43

განმუხურსა და ანაკლიაში ,,კაზანტიპის“ ფესტივალის გახსნამდე რამდენიმე საათი რჩება. როგორც ორგანიზატორები აცხადებენ, თითქმის ყველა მოსამზადებელი სამუშაო დასრულებულია.

ფესტივალზე დასასწრებად რამდენიმე ათასი ადამიანი მსოფლიოს სხვადასხვა ქვეყნიდან უკვე ჩამოვიდა, მათ ზუტს რაოდენობას ფესტივალის ორგანიზატორები საიდუმლოდ ტოვებენ.

,,კაზანტიპის რესპუბლიკაში“ მოსახვედრად ბილეთების შეძენა ისევ არის შესაძლებელი, მაგრამ თუ აქამდე ,,ვიზის“  ღირებულება 300 ლარს შეადგენდა, ახლა უკვე 350 ლარი გახდა.  

ფესტივალი ოფიციალურად დღეს საღამოს 9 საათზე გაიხსნება და 30 აგვისტოს დაიხურება.