2013-12-05 15:09

რუსეთის პრეზიდენტმა საყვედური გამოთქვა იმის გამო, რომ მის სახლში, ონკანში წყლის მოშვებისას ჟანგიანი წყალი მოდის.

ამის შესახებ პუტინმა სრულიად რუსეთის სახალხო ფრონტის კონფერენციაზე განაცხადა:

„წარმოიდგინეთ, აი, ჩემთანაც კი, ზოგჯერ მილებში ჟანგიანი წყალი მოედინება. სასაცილოა, მაგრამ ფაქტია. მრცხვენია კიდეც ამის გამხელის. ეს ხომ სახელმწიფო საკუთრებაა და იქნებ ამიტომაც ხდება დაუდევრობა? არ ვიცი...“, - თქვა რუსეთის პრეზიდენტმა.

რუსეთის პირველმა პირმა განაცხადა, რომ უწესრიგობა ამ სფეროში დაუშვებელია, რადგან ის ქვეყნის თითოეულ მოქალაქეს ეხება.