-
2013-12-04 14:05
შს ყოფილი მინისტრი ბაჩო ახალაია სააპელაციო სასამართლომ გაამართლა.
ეპიზოდზე, რომელიც სამხედრო მოსამსახურეებისთვის სიტყვიერი და ფიზიკური შეურაცხყოფის მიყენებასა და ზვიად აბესაძისთვის თავისუფლების აღკვეთას უკავშირდებოდა, საქალაქო სასამართლოს განაჩენი ახალაისთან მიმართებაში უცვლელი დარჩა.
თუმცა, სააპელაციო სასამართლომ შეცვალა საქალაქო სასამართლოს განაჩენი იმ ნაწილში, რომელიც ზურაბ შამათავასა და ალექსანდრე გორგოძეს ეხებოდა. მათი გამამართლებელი განაჩენი ანულირებულია და ორივე პირი დარბაზშივე დააკავეს.
ამასთან, სააპელაციო სასამართლომ სამი წლით აუკრძალა თანამდებობის დაკავება გიორგი კალანდაძეს, თუმცა, ეს მუხლი უკვე ამნისტირებულია და შეზღუდვები არ არსებობს.
სასამართლოს შემდეგ კომენტარი ადვოკატმა გიორგი ონიანმა გააკეთა:
„პროკურატურის მცდელობის მიუხედავად, ბაჩო ახალაია გამართლდა, თუმცა პროკურატურა ალბათ, ამაყობს იმით, რომ ომის ორი გმირი – ალექსანდრე გორგოძე და ზურაბ შამათავა დღეს დაკავებულები არიან. მათ თავისუფლების 5 წლით აღკვეთა განესაზღვრა, თუმცა ამნისტიით ეს ვადა 3 წლამდე და 9 თვემდე შემცირდა“.