-
2013-12-01 11:30
კიევის პატრიარქმა ფილარეტმა მხარი დაუჭირა მიხაილოვსკის მოედანზე შეკრებილ "ევრომაიდანს" და მათ ტაძრის მიმდებარედ ბანაკის მოწყობის კურთხევა მისცა.
ამასთან, კიევის პატრიარქმა მომიტინგეები მოსალოდნელი საფრთხის შესახებაც გააფრთხილა. ამ დროისთვის "ევრომაიდანზე" ღამისთევით დარჩენილ ხალხთან ერთად მოქალაქეთა ნაკადი მატულობს. ჩამოდიან სხვადასხვა ქალაქებიდანაც. მიტინგზე ვრცელდება სხვადასხვა ინფორმაცია:
დავით ჟვანია, უკრაინის რადას დეპუტატი, რომელიც სახელისუფლო ფრაქცია "რეგიონების" წევრი იყო, ფრაქციიდან გავიდა; კანადაში უკრაინის საელჩოს პირველმა მდივანმა ნატალია გოლუბმა პროტესტის ნიშნად დატოვა თანამდებობა; გადადგა უკრაინის პრეზიდენტის ადმინისტრაციის უფროსი; უკრაინული ძალოვანი სტრუქტურების ვეტერან-ოფიცრებმა "ევრომაიდნის" დარბევა შეაფასეს, როგორ ც"უკრაინელი ხალხის ღალატი".
გრანდიოზული მიტინგი, რომელსაც, გაერთიანებული ოპოზიციის წარმომადგენელთა თქმით, კიევის ბლოკირება და მთავრობის, მათ შორის, პრეზიდენტის გადადგომაც უნდა მოჰყვეს, კიევის დროით 12:00 (თბილისის დროით 14:00) საათზეა დაანონსებული.