-
2013-11-28 18:22
საპარლამენტო უმცირესობის ლიდერმა დავით ბაქრაძემ ვილნიუსში, საპარლამენტო ფორუმზე ვანო მერაბიშვილის საქმეზე ისაუბრა.
როგორც საპარლამენტო უმცირესობის წევრმა ფორუმზე სიტყვით გამოსვლისას განაცხადა, "ერთიანი ნაციონალური მოძრაობის" გენერალური მდივანი ექვსი თვეა, რაც წინასწარ პატიმრობში იმყოფება და ჯერ არ არსებობს სასამართლოს გადაწყვეტილება იმის შესახებ, რომ ის დამნაშავეა.
"ვფიქრობ, რომ ეს ჩვეულებრივი კანონის უზენაესობისგან განსხვავდება და აქ მე შემიძლია სხვა მსგავს პრობლემებზე საუბარი, მაგრამ არ ვფიქრობ, რომ ეს ის ადგილია, სადაც შიდა პრობლემებზე უნდა ვისაუბრო. ვიტყვი, რომ მიუხედავად ამ პრობლემებისა, საქართველო წარმატებული ვილნიუსის სამიტზე იქნება.
ვიმედოვნებ და დარწმუნებული ვარ, რომ ვილნიუსის სამიტი წარმატების მომტანი და ის ნაბიჯი იქნება, რომელიც ჩვენ ყველას სამომავლოდ, ევროპის იდეის განვითარებაში დაგვეხმრება", - განაცხადა ბაქრაძემ.