2013-11-28 13:08

ფოთში 250 მილიონ დოლარიანი მეტალურგიული ქარხნის პროექტი ჩაიშალა. „კომერსანტის“ ინფორმაციით, ეკონომიკის სამინისტრო და თურქი ინვესტორი პირობებზე ვერ შეთანხმდნენ.

როგორც თურქული მხარის წარმომადგენელი ჩვენთან საუბარში აცხადებს, ეკონომიკის სამინისტრო ინვესტორის პირობებს არ თანხმდება, ხოლო ინვესტორს ეკონომიკის სამინისტროს პირობები არ აკმაყოფილებს.

შესაბამისად, შეიძლება ითქვას, რომ პროექტი აღარ განხორციელდება. შეგახსენებთ: ხელისუფლების ცვლილების შემდეგ ფოთში მეტალურგიული ქარხნის მშენებლობა ერთ-ერთ პირველ მასშტაბურ საინვესტიციო პროექტად დასახელდა.

თურქული მხარე საქართველოს მთავრობისგან პროექტის განხორციელებისთვის დამატებით შეღავათებს ითხოვდა, ხოლო ეკონომიკის სამინისტროში აცხადებენ, რომ საკითხი მარტივი გადასაწყვეტი არ არის.

 (BPI)