2013-11-27 13:17

უკრაინაში განვითრებული მოვლენების პარალელურად ლიტვის პრეზიდენტი დარწმუნებულია, რომ საქართველო და მოლდოვა ასოცირების ხელშეკრულების პარაფირებას მოახდენენ.

სამიტს საქართველოს პრეზიდენტი, საგარეო საქმეთა მინისტრი და რეინტეგრაციის სახელმწიფო მინისტრი დელეგაციის სხვა წევრებთან ერთად დაესწრებიან.

,,მოხარული ვარ, რომ აღმოსავლეთ პარტნიორობის პროგრამის განხორციელების ოთხწლიან ვადაში, მისმა ხუთმა წევრმა პროგრესს მიაღწია. ვგულისხმობ იმას, რომ უკვე შეგვიძლია ასოცირებისა და სავაჭრო ხელშეკრულებების პარაფირება მოლდოვასთნ და საქართველოსთან.

ასევე ველით ვიზების ლიბერალიზაციის შეთანხმების ხელმოწერას აზერბაიჯანთან. რაც შეეხება უკრაინას, გადაწყვეტილება მისმა მთავრობამ უნდა მიიღოს. დღეს უკრაინის მთავრობისგან განსხვავებულ სიგნალს ვიღებთ. კერძოდ, ისინი ამბობენ, რომ ეკონომიკურ ზეწოლას განიცდიან, ეკონომიკური საფასურის გადახდა უხდებათ ჩვენთან ხელშეკრულების გაფორმების გამო, რაც ადვილი დასაჯერებელი არ არის, რადგან ლიტვის გამოცდილებით თუ ვიმსჯელებთ თუ დიდ ზეწოლას განიცდი შენზეა დამოკიდებული, რამდენად აყვები მას.  ჩვენი გამოცდილება კი ასეთია, ,,არასოდეს დანებდე“.  ამასვე ვურჩევ უკრაინის მთავრობას“, - აცხადებს დალია გრიბაუსკაიტე.