,,გალფისა“ და ,,ჯიპისის“ განცხადებით, მათი ფასდაკლების აქცია, რომელიც 12 ივლისს არჩევნებზე მისულ მოქალაქეებს შეეხებათ კომერციული მიზნებითაა განპირობებული და ამაში არანაირი კანონდარღვევა არ იკვეთება.
"ჩვენი კომპანია არის მონაწილე ამ აქციის. არჩევების დღეს გვაქვს ფასდაკლების სპეციალური რეჟიმი, რომელზეც არის საუბარი იმ სარეკლამო კლიპში, რომელიც გადის ტელევიზიების მეშვეობით. ბიზნესკომპანიები გამოვხატავთ ჩვენს დამოკიდებულებას იმის მიმართ, რომ აუცილებლად უნდა მივიდეს მოსახლეობა არჩევნებზე. ეს ტრადიციაც კი არის ბევრ ქვეყანაში", - აღნიშნა ,,ჯიპისის“ დირექტორმა დავით კილაძემ.
,,გალფში“ კი აცხადებენ, რომ ბიზნესკომპანიების საარჩევნო აქცია წმინდად კომერციულია, თუმცა ამომრჩევლის აქტივობასაც შეუწყობს ხელს.
აქციაში, რომელშიც რამდენიმე კომპანიაა ჩართული მონაწილეობის მიღება მხოლოდ იმ პირებს შეუძლიათ, რომლებიც არჩევნებზე მივლენ და შემდეგ სასურველ ობიექტზე მარკირების დამადასტურებელ შემოწმებას გაივლიან.