2014-07-09 17:08

 „ჩაუღრმავდით და ჩააანალიზეთ ექსპერტებთან ერთად, მაგრამ ტყუილად ნუ შეეცდებიან აღმასრულებელი ხელისუფლების ორ შტოს შორის ე.წ კონკურენციის თუ გაურკვევლობის განწყობის შექმნას“,-ამის შესახებ ევროპულ და ევროატლანტიკურ სტრუქტურებში ინტეგრაციის საკითხთა სახელმწიფო მინისტრმა ალექსი პეტრიაშვილმა განაცხადა.

ჟურნალისტების კითხვას, რომელიც უელსში ნატო-ს სამიტზე პრეზიდენტის გამგზავრებას შეეხებოდა პეტრიაშვილმა უპასუხა, რომ „ამ სამიტზე გაემგზავრება პრეზიდენტი, შესაბამისად, ეს კითხვა აღარ არის რელევანტური“.

„რაც შეეხება ამ საკითხზე ექსპერტების მოსაზრებებს, თქვენ ჩაუღრმავდით და ჩააანალიზეთ ექსპერტებთან ერთად, მაგრამ მე გეუბნებით, ნუ შეეცდებით აღმასრულებელი ხელისუფლების ორ შტოს შორის ე.წ კონკურენციის თუ გაურკვევლობის განწყობის შექმნას. ხელისუფლება იქნება ყველგან, სადაც საქართველოს ინტერესია და ვინ წარმოადგენს ქვეყანას – ამას ყოველთვის დროულად შეიტყობთ“, - განაცხადა პეტრიაშვილმა.