სასამართლო პროცესები უნდა წარიმართოს დამოუკიდებლად და იყოს პოლიტიკური ჩარევისგან თავისუფალი, სწორედ ეს არის ნატოსთვის მნიშვნელოვანი,- განაცხადა ნატო-ს გენერალური მდივნის სპეციალურმა წარმომადგენელმა სამხრეთ კავკასიასა და ცენტრალურ აზიაში ჯეიმს აპატურაიმ.
აპატურაიმ ამ კომენტარით იმ კითხვას, უპასუხა, რომელიც საქართველოში ხელისუფლებისგან დაწესებული მორატორიუმის მიუხედავად ოპოზიციის ლიდერების დაკავებას შეეხებოდა.
"ნატო-სთვის არსი სწორედ იმაში მდგომარეობს, რომ სასამართლო პროცესები უნდა წარიმართოს დამოუკიდებლად და იყოს პოლიტიკური ჩარევისგან თავისუფალი, კანონი იყოს დაცული და რა თქმა უნდა, როგორც გენერალურმა მდივანმა მრავალჯერ აღნიშნა, ჩვენ თავი უნდა ავარიდოთ პოლიტიკურ ჩარევასა და პოლიტიკურად მოტივირებულ სამართლებრივ დევნას.
ყველაზე მნიშვნელოვანია, რომ მართლმსაჯულება არ უნდა იყოს პოლიტიკურად მოტივირებული. თუმცა, მე ვერ შევაფასებ კონკრეტულ საქმეს", - აღნიშნა ჯეიმს აპატურაიმ.
