2014-07-08 17:08

ბიძინა ივანიშვილის თოქ-შოუს პროდუსერი, შესაძლოა, ნინო შუბლაძე გახდეს, რომელმაც “რუსთავი 2″ რამდენიმე თვის წინ მოულოდნელად დატოვა, - ინფორმაციას Ambebi.ge ავრცელებს.

"ჯერჯერობით ამ გადაცემასთან დაკავშირებით არხზე მიმდინარეობს მუშაობა. გადაცემის სტრუქტურა მუშავდება. სამი თვე გვაქვს წინ და ამ დროში ბევრი რამ იცვლება. ყველა ადამიანის კანდიდატურა განიხილება ვინც პროფესიონალია, მათ შორის ნინო შუბლაძეც”, – განაცხადა ამბები.გე-სთან ,,ჯიდიეს”-ის პროდიუსერმა თემურ გოგოლაძემ.

ინფორმაციას არ ადასტურებს თავად ჟურნალისტი ნინო შუბლაძე : „გავრცელებული ინფორმაცია არ შეესაბამება სიმართლეს, ასე რომ არ ვადასტურებ, გმადლობთ რომ მკითხეთ“– განუცხადა შუბლაძემ სააგენტო ,,ნიუპოსტს", ექსკლუზიურ კომენტარში.