2014-07-08 16:43

რუსმა მღვდელმა ალექსანდრ შუმსკიმ, ბრაზილიაში მიმდინარე მსოფლიოს ჩემპიონატი და მთლიანად თანამედროვე ფეხბურთი  გააკრიტიკა.

"მსოფლიოს ჩემპიონატი ბრაზილიაში ზუსტად ასახავს კაცობრიობის საშინელ მორალურ-ეთიკურ მდგომარეობას. შეხედეთ ტრიბუნებს, შეღებილ და გაშიშვლებულ მაყურებელს; ჯადოქრებს, რომლებიც ცდილობენ, დაეხმარონ საკუთარ მოთამაშეებს", - დაწერა მღვდელმა ვებგვერდზე ("რუსული სახალხო ხაზი") საკუთარ ბლოგში. 

მანვე საკუთარი აზრი გაგვანდო ფეხბურთელთა ბუცების ფერებზე: "ასევე ყურადღებას იპყრობს ფეხბურთელების ეკიპირება. ისინი თამაშობენ ვარდისფერ, ცისფერ, ყვითელ და მწვანე ბუცებში.

ეს ის ფერებია, რომელიც ქმნის ე. წ. პედერასტულ ცისარტყელას. ვერ ნახავთ მოთამაშეს შავ ბუცებში, როგორითაც უნდა თამაშობდეს ნამდვილი მამაკაცი. 

ბევრია შეღებილი ფეხბურთელი, დაუჯერებელი ვარცხნილობებით. წარმოიდგინეთ გიგანტი ზანგი შეღებილი თმით და ვარდისფერი ბუცებით. 

საშინელი სანახაობაა! მამაკაცისთვის ვარდისფერი და ცისფერი ბუცების ჩაცმა იგივეა, რაც ქალის ტრუსების ან ბიუსტჰალტერის ჩაცმა. ხოლო ურუგვაელი სუარესი ისე გახელდა, რომ მეტოქის ფეხბურთელს კბენა დაუწყო. 

ვერანაირად ვერ წარმოვიდგენ ჯორჯ ბესტს ან ედუარდ სტრელცოვს სხვადასხვა ფერის ბუცებში".

"გლობალიზმის ლიბერალურ იდეოლოგიას სურს, ფეხბურთი ქრისტიანობას დაუპირისპიროს. ამაში დარწმუნებული ვარ. 

ამიტომაც მიხარია, რომ რუსმა ფეხბურთელებმა ჩააგდეს ჩემპიონატი და ღვთის წყალობით, აღარ მონაწილეობენ ამ ჰომოსექსუალურ სირცხვილში, თანაც მარხვის დროს", - დაამატა შუმსკიმ.

ყოველდღიური სპორტული გაზეთი "ლელო"