ამ წუთებში საქალაქო სასამართლოს ეზოში დაპირისპირება მოხდა. გიგი უგულავას პატიმრობის გადაწყვეტილების გამოცხადების შემდეგ საქმის ოთხი პროკურორი სასამართლოდან განსაკუთრებული დაცვით გაიყვანეს.
პროკურორებს უგულავას მხარდამჭერები შეძახილებით დაედევნენ. ინციდენტში საქალაქო სასამართლოს ეზოში მობიზლიზებული საპატრულო პოლიციაც ჩაერია.
ინციდენტის შედეგად დააკავეს კოტე გაბაშვილი, რომელიც საპატრულო პოლიციის თანამშრომლებმა ავტომანქანაში ჩასვეს და შემთხვევის ადგილიდან წაიყვანეს, დაკავებულია ნაციონალური მოძრაობის წევრი ლევან ბეჟაშვილი.
დაკავებულია ,,თავისუფალი ზონის“ ოპერატორი და კიდევ რამდენიმე აქტივისტი.
გავრცელებული ინფორმაციით, სასამართლოს ეზოში შეკრებილი რამდნიმე ადამიანი მძიმედ არის დაშავებული.
როგორც ცნობილია, თბილისის საქალაქო სასამართლომ დღეს გიგი უგულავას აღმკვეთი ღონისძიების სახით პატიმრობა შეუფარდა. სასამართლოს ეზოში შეკრებილები სასამართლოს გადაწყვეტილებას აპროტესტებდნენ.