2014-06-15 12:31

გურამიშვილის გამზირზე მდებარე N42 საარჩევნო უბანზე მისულ შინაგან საქმეთა მინისტრს ალექსანდრე ჭიკაიძეს პირადობის მოწმობა სახლში დარჩა, რის გამოც, მან საკუთარი არჩევანი 1 საათით გვიან გააკეთა,-ამის შესახებ „ექსპრესნიუსის“ კორესპონდენტი ადგილიდან იუწყება.

კორესპონდენტის ცნობით, მინისტრის თანხმლებმა პირმა კომისიის წევრებს სთხოვა, პირადობის მოწმობის გარეშე მინისტრი რეგისტრაციაში გაეტარებინათ. აღნიშნულზე მოთხოვნაზე საარჩევნო უბნის რეგისტრატორებმა და თავმჯდომარემ უარი განაცხადეს.

„მოვიდა მინისტრის წარმომადგენელი და გვითხრა, თუ იყო შესაძლებელი, ალექსანდრე ჭიკაიძეს პირადობის მოწმობის უქონლობის გამო, რეგისტრაცია გაევლო და ხმა მიეცა მხოლოდ პირადი ნომრით ან მართვის მოწმობით, რაზეც, ჩვენ, რა თქმა უნდა უარი ვუთხარით“,-განუცხადა “ექსპრესნიუსს” N42 საარჩევნო უბნის თავმჯდომარემ დავით მაისურაძემ.

http://www.epn.ge/archives/24342