2014-06-15 11:19

"გუშინ საღამოს მოხდა რამდენიმე ინციდენტი, რომელიც კითხვებს ბადებს, გვესმის, რომ ემოციური ატმოსფეროა, მაგრამ ასევე ვიმედოვნებთ, რომ კარგი შესაძლებლობაა მშვიდობიანი არჩევნების ჩატარებისთვის. ველოდებით ნორმალურ გარემოში არჩევნების ჩატარებას",

-ეს განცხადება აშშ-ს ელჩმა რიჩარდ ნორლანდმა ორხევში გააკეთა, სადაც ის ბრიტანელ და ჰოლანდიელ კოლეგებთან ერთად არჩევნების მიმდინარეობას აკვირდება. მისივე თქით, საელჩოების მიერ ქვეყნის მასშტაბით გაგზავნილი სადამკვირვებლო ჯგუფებისგან მიღებული ინფორმაციით, არჩევნები ნორმალურად მიმდინარეობს. 

"ჩვენ ვაფასებთ ამ შესაძლებლობას, რომელიც ერთობლივი მისიის ფარგლებში გვაქვს ამერიკის, ჰოლანდიის და ბრიტანეთის საელჩოებს ქვეყნის მასშტაბით. განაწილებულია ჩვენი სადამკვირვებლო ჯგუფები, რომლებიც მიმდინარე პროცესს თვალყურს ადევნებენ. ამ ჯგუფებისგან ვიღებთ ინფორმაციას და ჯერჯერობით მიღებული ინფორმაციით, პროცესი ნორმალურად მიდის. ძალიან დიდი შთაბეჭდილება მოახდინა ორგანიზებამ, რომელიც ვიხილეთ უბნებზე, სადაც ვიმყოფებოდით. ისინი აღჭურვილია თანამედროვე ტექნოლოგიებით, რაც იძლევა იმის საშუალებას, რომ არჩევნები ორგანიზებულად წარიმართოს", - განაცხადა ნორლანდმა