2014-06-12 11:54

ერაყში თურქი დიპლომატების დაკავების გამო, თურქეთმა ნატო-ს წევრი ქვეყნების ექსტრემალური სხდომის მოწვევა მოითხოვა, - ამის შესახებ ინფორმაციას სააგენტო "როიტერი" თურქეთის საგარეო საქმეთა სამინისტროზე დაყრდნობით ავრცელებს.

ერაყელმა ტერორისტებმა გუშინ ქალაქი მოსული დაიკავეს, სადაც თურქეთის საკონსულოს 49 თანამშრომელი მძევლად აიყვანეს.

გუშინვე ერაყის ხელისუფლებამ განაცხადა, რომ ტერორისტებმა კიდევ ერთი ქალაქი ტიკრიტი დაიკავეს. ვრცელდება ინფორმაცია ქალაქ სამარაში მიმდინარე ბრძოლების შესახებ, რომელიც ერაყის დედაქალაქიდან 125 კილომეტრში მდებარეობს.