2014-06-11 10:32

ყოფილი პრემიერი ვანო მერაბიშვილი რუსეთის საგამოძიებო კომიტეტის წარმომადგენლის ვლადიმერ მარკინის განცხადებასთან დაკავშირებით, რომლის თანახმადაც, შესაძლოა, მიხეილ სააკაშვილს, ვანო მერაბიშვილსა დადავით კეზერაშვილს რუსეთმა ბრალი წაუყენოს, განცხადებას ავრცელებს.

მერაბიშვილის „ფეისბუქის“ გვერდზე გავრცელებულ განცხადებაში აღნიშნულია, რომ „ქართული ოცნების“ მიერ გამოცხადებული მტრების სია, რუსების მტრების სიის ანალოგიურია.

"დღეს მოვისმინე, რომ რუსეთის სამართალდამცავი ორგანოები აპირებენ მიხეილ სააკაშვილს, დავით კეზერაშვილს და მე ბრალი წაგვიყენონ 2008 წელს რუსული აგრესიისათვის წინააღმდეგობის გაწევის გამო.

მათ ამ განზრახვას, ჩემთან დაკავშირებით უკვე წელიწადზე მეტია წარმატებით ახორციელებენ ქართველი გამომძიებლები, პროკურორები და მოსამართლეები. ისინი, ნებსით თუ უნებლიეთ ასრულებენ არა ქართველი ხალხის, არამედ პუტინის რეჟიმის დაკვეთას.

პუტინის რეჟიმი არ მალავს, ვინ მიაჩნია საქართველოში თავის მთავარ მტრად. სამწუხაროა, რომ ქართული ოცნების მიერ გამოცხადებული მტრების სიაც ზუსტად ანალოგიურია. იდენტურია მათი მოსაზრებები იმასთან დაკავშირებით. ვინ არიან პოლიტპატიმრებიც.