2014-12-17 15:48

როგორც ტელეკომპანიის დამფუძნებელის ამბობს,  „მაესტროდან“ წასვლა მას კარგა ხნის წინ სურდა, თუმცა მეგობრების ხათრით დარჩა.

„მაესტრო“ ჩემთვის, ასე ვთქვათ, გარკვეული სიმძიმეა, რადგან ბევრი პროექტი მაქვს, რომელთა გაკეთებაც მინდა და შეიძლებოდა ინტერესთა კონფლიქტიც გაჩენილიყო.

მსურს, იმ საქმიანობას დავუბრუნდე, რომელსაც პოლიტიკურ პერიპეტიებში ჩართვამდე ვაკეთებდი... პოლიტიკაში ჩართვა ჩემი ნებით არ მომხდარა, ეს ცხოვრებამ მოიტანა. „მაესტრო“ საერთო მაუწყებელია, მას ცოტა სხვა ფორმატი აქვს, ისეთი, რომელიც არ მომწონს და არ მიყვარს.

მე უფრო გართობა და კონკრეტული ვიწრო მიმართულების სპეციფიკური არხები მიყვარს, იქ ვგრძნობ თავს კარგად.

შესაბამისად, „მაესტროდან“ წასვლის გადაწყვეტილება ახლა კი არა, 2012 წლის არჩევნების შემდეგ მივიღე, მაგრამ, მეგობრებმა მთხოვეს, 2014 წლის ბოლომდე დავრჩენილიყავი, რომ იქნებ გადაწყვეტილება შემეცვალა.

დავრჩი, მაგრამ გადაწყვეტილება არ შევცვალე“, - აღნიშნა მამუკა ღლონტმა.

„სარკე“