2015-11-27 11:35

CNN-თან ინტერვიუში თურქეთის პრეზიდენტმა რეჯიბ ტაიპ ერდოღანმა გააფრთხილა რუსეთი, რომ მისი მხრიდან C-400-ის გამოყენება თურქული თვითმფრინავების წინააღმდეგ აღქმული იქნება, როგორც აგრესია. 

„მსგავსი ინციდენტი მოსალოდნელია და ბუნებრივია, ჩვენ იძულებული ვიქნებით, მივიღოთ  შემდგომი ზომები, რაც განხილვას არც კი ექვემდებარება. ეს იქნება აგრესია ჩვენი სუვერენიტეტისა და უფლებების წინააღმდეგ და სახელმწიფო დაიცავს ამ უფლებებს“, - აღნიშნა თურქეთის პრეზიდენტმა.

შეგახსენებთ, C-400 რუსეთის შეიარაღებაში არსებული საზენიტო-სარაკეტო კომპლექსია, რომელიც ჰაერსაწინააღმდეგო თავდაცვის იარაღს განეკუთვნება და მსოფლიოში ერთ-ერთ საუკეთესოდ ითვლება. სწორედ ამ კომპლექსების განთავსებას გეგმავს სირიაში ოფიციალური მოსკოვი.