2014-06-05 15:10

როგორც გაირკვა დიზაინერის „საყვარელი თავნება გოგო“, მისი კატა „კუსუსა“ ყოფილა, რომელიც უკვე ათი წლისაა და ზალიკოს ოჯახი მას სრულფასოვან წევრად მიიჩნევს.

„ჩემს კატას კუსა ჰქვია, „კუსუსას“ მოფერებით ვეძახი. 10 წლის ბრძანდება. ულამაზესი „გოგოა“. კნუტი იყო, როცა დედამ შინ მოიყვანა: ქუჩაში, ტრანსპორტის გაჩერებაზე დაუნახავს, მოეწონა და მისი აგარაკზე წაყვანა გადაწყვიტა. იმ პერიოდში სახლში „მოშენებას“ ვაკეთებდით. კნუტი რკინის ხარაჩოებზე ჩავარდა.

შეგვებრალა და გადავწყვიტეთ, ვიდრე გამოჯანმრთელდებოდა, შინ გაგვეჩერებინა. ახლა კუსა ჩვენი ოჯახის წევრია. სუფრასთან რომ მოდის, ითხოვს სკამი გამომიწიეთ და დამსვითო. ძალიან თავნება, „დასტოინი“ გოგოა“. თავისი ბეწვითაც კმაყოფილია და ტანსაცმელს არ კადრლობს“, - ამბობს ზალიკო ბერგერი.

„გზა“