აბაშიძის ქუჩაზე მოკლული ლაშა მახარაძის დედა ნინო დიდებულიძე აცხადებს, რომ ციხიდან გამოსული ოქროპირიძე მოსაკლავთა სიით დადიოდა, თუმცა მისი შვილი ამ სიაში არ ყოფილა.
„ლაშას არავისთვის არაფერი დაუშავებია. მკვლელი კი თურმე სიით დადიოდა, უნდა დაეხოცა ხალხი.
ეს ცნობილია, ბევრს ემუქრებოდა მოკვლით. დარწმუნებული ვარ, ლაშა იმ სიაში არ ყოფილა. შემთხვევით გადაეყარა მას აბაშიძის ქუჩაზე.
ეტყობა, ქუჩაში შეყოვნდა, ალბათ, ვინმეს ელოდებოდა და ამ დროს გამოიარა ოქროპირიძემ ბერძენიშვილის მანქანით. როგორც თვითმხილველები ამბობენ, ის მანქანა ისევ უკან წამოვიდა და ლაშასთან გააჩერა.
რომ ამბობს, მე არ მომიკლავს, იქ არ ვყოფილვარო, ტყუილია. თალაკვაძის მკვლელობის დროსაც გაიძახოდა დედამისი, ჩემს შვილს არ მოუკლავს მეგობარი, პოლიციამ მოკლა და ჩემს შვილს დააბრალაო.
არადა, მაშინ, როცა დედამისი კბილებით გლეჯდა ყველაფერს, ციხეში ოქროპირიძე პატიმრებთან აღიარებდა, რომ თალაკვაძე მან მოკლა. ახლაც იმავეს ცდილობენ, მაგრამ არ გამოუვათ.
პირველი წუთიდან ცნობილია, რომ ჩემს შვილს არაკაცმა ოქროპირიძემ ესროლა. ალბათ, ლაშას ვიღაცების ადგილსამყოფელი ჰკითხა, რომ დაეხოცა.
ლაშამ კი უთხრა, არ ვიცი, სად არიან, დაბადების დღეზე მივდივარო. ამ დროს ამოიღო იარაღი და ესროლ“, - აცხადებს ნინო დიდებულიძე.
„კვირის პალიტრა“
