უფლებადამცველი დიმიტრი ლორთქიფანიძის ინფორმაციით, ლაშა მახარაძის საქმეზე დაკავებულ თენგო ერისთავს სუბოტექსი „ჩაუდეს“.
უფლებადამცველის თქმით, ერისთავის ოჯახის წევრები სულ მალე განაცხადებენ, თუ რა მიზნით მოხდა ეს დანაშაული.
„როგორც შევიტყვე, პარლამენტის იურიდიული კომიტეტის თავმჯდომარის მოადგილის, შალვა შავგულიძისთვის ცნობილი იყო ერისთავის დაკავებამდე, რომ მას ნარკოტიკს ჩაუდებდნენ.
თავად ერისთავს გაუგებინებია მისთვის, რომ მასზე ზეწოლას აპირებდნენ ამ ფორმით. მოხარული ვიქნები, თუ ბატონი შალვა ამასთან დაკავშირებით გააკეთებს განმარტებას, რატომ არ მიიღო ზომები, როცა მას გამოუცხადეს, რომ მსგავსი ტიპის „ჩადებებს“ არ აქვს ადგილი ახალი ხელისუფლების პირობებში.
ახლა მან უნდა დაადასტუროს, ან უარყოს ეს ბრალდება.
თუ ეს დადასტურდა, გამოდის, რომ განხორციელებულია უკანონო ქმედებების კასკადი“, - აცხადებს ლორთქიფანიძე.
დეპუტატი შალვა შავგულიძე საზღვარგარეთ იმყოფება.
„ალია“